نكملوا واجبنا ع جال بلادنا

أوك تقدر تخمم بلي شهر ونص مسيرات عملاقة ماربحنا والو وماتبدل والو.. تقدر تقول بلي السلمية مافيهاش فايدة
بصح نحب نفكرك بلي هادي بلادنا.. دزاير نور عينينا وآمانة جدادنا وولادنا
واجبك أنت واجبي انا تخرج كل مرة وتعيط وتقول الحق وماتخافش من حتى واحد

واذا مادرتش واجبك.. ربي يحاسبك وضميرك يحاسبك والتاريخ يحاسبك وقبلهم كاملين يحاسبوك العصابة في حياتك في خدمتك في سكنتك في صحتك وفي كل دقيقة تعيشها في بلادك تموت بالقنطة

ثورات التحرير من الاستعمار بالسلاح والدم المسفوك
وثورات التحرر من الفساد والاستبداد.. بالاصرار والصبر والدم البارد

حنا نديروا واجبنا وندافعوا ع بلادنا كل واحد بواش يقدر.. والتوفيق من ربي سبحانو
اذا كتبلنا نعيشو الحلم يتحقق واذا مالحقناش يعيشوه ولادنا من بعدنا